Svo gæti farið að hvorki Modric og Rakitic muni spila gegn Íslandi á þriðjudag
Ekki nóg með tap Argentínu gegn Króatíu þá voru þeir að fá enn verri fréttir nú eftir leik því Zlatko Dalic, þjálfari Króata hefur staðfest það að hann muni hvíla einhverja leikmenn og gera nokkrar breytingar á liði sínu fyrir Íslands leikinn á þriðjudag.
Argentína er í stórhættu á að komast ekki upp úr D-riðli heimsmeistaramótsins eftir stórtap gegn Króötum í kvöld, 3-0.
Argentína er með aðeins eitt stig eftir tvo leiki en Króatar eru komnir áfram í 16-liða úrslit.
Á morgun mætast Ísland og Nígería í gríðarlega mikilvægum leik fyrir bæði lið. Örlög beggja liða er í þeirra eigin höndum.
Stuðningsmenn Íslands og Nígeríu fögnuðu bæði eftir leik kvöldsins. Eftir tap gegn Króatíu í fyrsta leik hefur Nígería fengið endurnýjun lífdaga í riðlinum en þeir þurfa fyrst að fara í gegnum strákana okkar.
Strákarnir okkar eru með allt í höndum sér til þess að komast áfram og eru nýjustu fréttirnar frá Zlatko Dalic góðar fyrir okkar menn.
Við vitum hvað best hvað króatíska liðið getur með sitt sterkasta lið og er það því ekki slæmt fyrir okkur að þeir muni hvíla sínu bestu leikmenn gegn Íslandi.
Ísland þarf þó fyrst að vinna Nígeríu á morgun áður en við hugsum um leikinn gegn Króötum.
Argentína eru hins vegar komnir í virkilega vonda stöðu fyrir lokaumferðina.
More bad news for Messi and Argentina after tonight's 3-0 defeat by Croatia. #CRO coach Zlatko Dalic confirms he'll rest players and make numerous changes for their final group game against Iceland. #ISL #ARG
— Oliver Kay (@OliverKayTimes) June 21, 2018
Athugasemdir
