Úr leiknum í kvöld.
,,Mér fannst við vera ofan á í spilinu þó það hafi ekki gengið að skora. Það er margt jákvætt hægt að taka úr leiknum en við töpuðum náttúrulega 2-3. Þetta er bara svekkjandi," sagði Haraldur Freyr Guðmundsson fyrirliði Keflavíkur eftir 2-3 tap gegn FH í VISA-bikarnum í kvöld.
,,Mér fannst við mæta í raun og veru slöku FH liði í dag sem skorara samt á okkur þrjú mörk sem er ekki nógu gott."
,,Við gleymum okkur eitt augnablik rétt fyrir hálfleik sem gerir það að verkum að þeir fara með stöðuna 0-1 í hálfleik sem hefði frekar átt að vera fyrir okkur. Við erum búnir að skapa okkur fullt af góðum leikstöðum og færi til að skora. Það er talað um að hann hafi varið með hendi á línu í markteignum alveg í lokin á undan markinu þeirra. Ég veit það ekki en þá hefði verið víti og rautt en í staðinn fara þeir með 1-0 í hálfleik."
,,Svo fannst mér við aftur vera ofan á í seinni hálfleik þegar þeir fá svo þetta víti sem ég tel nú ekki vera víti. Þá er á brattann að sækja en við gefumst ekki upp og reynum og reynum en því miður gekk það ekki í dag."
