,,Ég held að þeir hafi átt þrjú færi í leiknum og þeir notuðu tvö. Við áttum ég veit ekki hvað mörg færi, sérstaklega í seinni hálfleik en svona er boltinn," sagði Alfreð Elías Jóhannsson þjálfari BÍ/Bolungarvíkur eftir 2-1 sigur liðsins á Aftureldingu í annarri deildinni í dag.
,,Ég var ekki sáttur við fyrsta hálftímann. Við áttum náttúrulega seinni hálfleikinn en það verður að nýta færin og skjóta á helvítis markið og hitta á markið."
BÍ/Bolungarvík er sem fyrr í öðru sæti deildarinnar en liðið er sex stigum á undan Hetti. Þessi lið mætast einmitt á Ísafirði um næstu helgi.
,,Sex stiga leikur, algjörlega. Við erum ekki komnir eitthvað upp ef menn halda það. Við þurfum að hafa fyrir þessum fimm leikjum sem eftir eru og ef þeir vinnast ekki þá förum við ekki upp, það er nokkuð ljóst."
Hér að ofan má sjá viðtalið í heild sinni.
