Fotbolti.net
01.02.20 - 17:14
Ívan Guðjón Baldursson

Spánn: Benzema gerði sigurmarkið gegn Atletico

Spánn: Benzema gerði sigurmarkið gegn Atletico
Canon

Mynd: Getty Images

Real Madrid 1 - 0 Atletico Madrid
1-0 Karim Benzema ('56)
Real Madrid lagði Atletico Madrid að velli í risaslag helgarinnar í spænska boltanum.

Liðin mættust á Santiago Bernabeu og sýndu heimamenn yfirburði í leiknum, þá sérstaklega eftir leikhlé.

Staðan var markalaus þar til Karim Benzema kom knettinum í netið eftir fyrirgjöf Ferland Mendy.

Fátt var um svör hjá Atletico og sigldu lærisveinar Zinedine Zidane fjórða deildarsigrinum í röð í höfn. Real Madrid er með sex stiga forystu á toppi spænsku deildarinnar, en Barcelona á leik til góða annað kvöld.

Granada 2 - 1 Espanyol
0-1 Raul De Tomas ('27 , víti)
1-1 Darwin Machis ('38 )
2-1 Carlos Fernandez ('46 )

Granada tók þá á móti botnliði Espanyol fyrr í dag og lenti undir í fyrri hálfleik þegar Raul de Tomas skoraði úr vítaspyrnu.

Darwin Machis jafnaði fyrir leikhlé og skoraði Carlos Fernandez í upphafi síðari hálfleiks.

Gestirnir frá Barcelona tóku öll völd á vellinum eftir að hafa lent undir og sóttu án afláts en vörn heimamanna hélt út allan seinni hálfleikinn. Aðeins tvær af sextán marktilraunum Espanyol eftir leikhlé rötuðu á rammann.

Granada er um miðja deild eftir sigurinn, fjórum stigum frá Evrópusæti.

La Liga - karlar

#LiðLmunStig
1Barcelona12+3533
2Real Madrid12+2130
3Atletico Madrid12+1328
4Betis12+526
5Real Sociedad12+122
6Sevilla12-218
7Athletic11+416
8Villarreal12+215
9Deportivo12+115
10Racing Santander12-1314
11Celta12013
12Alaves12-213
13Espanyol12-112
14Vallecano11-612
15Getafe12-1012
16Osasuna12-1112
17Levante12-511
18Elche12-610
19Valencia12-129
20Malaga12-145
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.