Glódís og Cecilía.
„Mér finnst þetta frábært skref fyrir hana," sagði Glódís Perla Viggósdóttir, landsliðsfyrirliði, er hún var spurð út í félagaskipti Cecilíu Ránar Rúnarsdóttur til Inter, á fréttamannafundi í dag.
Það var tilkynnt í morgun að ítalska félagið hefði keypt Cecilíu frá Bayern München. Kaupverðið er í kringum 120 þúsund evrur sem gerir hana að næst dýrasta markverði í sögu kvennaboltans.
Það var tilkynnt í morgun að ítalska félagið hefði keypt Cecilíu frá Bayern München. Kaupverðið er í kringum 120 þúsund evrur sem gerir hana að næst dýrasta markverði í sögu kvennaboltans.
Cecilía var á láni hjá Inter frá Bayern á síðustu leiktíð og var besti markvörður ítölsku deildarinnar á síðasta tímabili.
Cecilía er núna á EM með Íslandi en það er fyrsti leikur á morgun gegn Finnlandi. Glódís sat fyrir svörum á fréttamannafundi og var það spurð út í þetta skref markvarðarins efnilega.
„Hún er búin að vera frábær með Inter seinasta árið og hefur vaxið mikið, tekið gríðarleg skref fram á við. Hún er að spila hverja einustu mínútu og það er akkúrat það sem hún þarf sem markvörður. Ef hún er á stað þar sem henni finnst hún vera að bæta sig, fær ábyrgð og getur haldið áfram að vaxa þá er þetta fullkomið," sagði Glódís jafnframt og bætti við:
„Ég hef fulla trú á því að hún muni halda áfram að verða betri og ég held að hún muni ná gríðarlega langt."
Leikir Íslands á EM 2025:
2. júlí, Ísland - Finnland
6. júlí, Ísland - Sviss
10. júlí, Ísland - Noregur
Athugasemdir
