Grindavík/Njarðvík er spáð næst neðsta sætinu
„Mjög vel og mjög spennt. Hópurinn okkar er sterkur og erum mjög tilbúnar í þetta. Við erum líka spenntar að mæta sterkum hóp hjá Val,“ sagði Sigríður Emma Fanndal Jónsdóttir, fyrirliði nýliða Grindavíkur/Njarðvíkur, á kynningarfundi Bestu deildar kvenna í dag.
Grindavík/Njarðvík hafnaði í öðru sæti Lengjudeildarinnar á síðasta ári og er því nýliði í ár.
Þeim hefur gengið vel á undirbúningstímabilinu og er liðið klárt í fyrsta leik gegn Val.
Á kynningarfundi Bestu deildarinnar var liðinu spáð neðsta sæti, en því níunda hér á Fótbolti.net. Það má því segja að þær fari nokkuð pressulaust inn í tímabilið.
Fyrsti leikur er gegn Val á laugardag og er Emma spennt fyrir því að mæta þeim.
„Já, okkur finnst það. Við erum með sterkt lið og spenntar að sjá hvernig okkur mun ganga. Við höfum trú á verkefninu og spenntar að sjá hvað gerist.“
„Markmiðið er bara að vera betri með hverjum leik. Það er bara fínt fyrir okkur,“ sagði Emma, en viðtalið má sjá fyrir ofan þar sem hún ræðir komu Natöshu Anasi, hvaða leikmaður verður efnilegust í deildinni, næsta sem fer út í atvinnumennsku og margt annað.
