Hulda Björg Hannesdóttir
„Bara mjög vel. Ég er mjög spennt og eins og margir búnir að tala um eru miklar breytingar á deildinni og margt mjög spennandi,“ sagði Hulda Björg Hannesdóttir, fyrirliði Þórs/KA, á kynningarfundi Bestu deildar kvenna í dag, en Akureyringum er spáð 7. sæti deildarinnar.
Þór/KA hafnaði í 7. sæti Bestu deildarinnar á síðustu leiktíð og segir Hulda að hópurinn hafi verið óánægður með þá niðurstöðu og eru allar í hópnum staðráðnar að gera betur.
„Ég væri klárlega til í að gera það. Við lentum náttúrlega í þessu sæti í fyrra og vorum ekkert sérlega ánægðar með það þannig við erum staðráðnar í að gera það.“
„Hópurinn er klár og rosalega skemmtilegur og fjölbreyttur hópur. Blanda af eldri og reynslu meiri leikmönnum, en líka yngri leikmönnum sem eru líka með góða reynslu í deildinni. Það eru góðir útlendingar og vonandi mörk í henni. Hún sýndi það í leik um daginn og markvörðurinn mjög spennandi líka. Það er mjög margt spennandi,“ sagði hún enn fremur.
Hægt er að sjá viðtalið í heild sinni hér fyrir ofan en þar talar hún um undirbúninginn og margt fleira.
