Alexia Putellas skoraði seinna mark Barcelona
Kvennalið Barcelona færist nær því að vinna Liga F-deildina í sjötta sinn í röð eftir að það vann 2-0 sigur á Levante Badalona í dag.
Börsungar hafa verið með algert yfirráð bæði heima fyrir og í Evrópuboltanum síðustu ár og ekki útlit fyrir að það verði eitthvað lát á því á næstunni.
Marta Torrejon og Alexia Putellas skoruðu mörkin gegn Badalona í dag.
Torrejon skoraði með skalla eftir hornspyrnu en Putellas úr vítaspyrnu eftir að varnarmaður Badalona handlék boltann innan teigs.
Barcelona er á toppnum með 75 stig, fjórum stigum meira en Real Madrid þegar þrjár umferðir eru eftir og fátt sem kemur í veg fyrir að Barcelona verði meistari í tíunda sinn í sögu félagsins.
Athugasemdir
