Valverde hefur áhyggjur af slæmu gengi á útivelli

Ernesto Valverde þjálfari Barcelona segist hafa áhyggjur af slæmu gengi á útivelli en Barca er aðeins búið að ná í sjö stig úr sex útivallarleikjum í deildinni.

„Ég verð að viðurkenna að við eigum í vandræðum á útivelli. Þetta er eitthvað sem ég hef sagt áður, ég hef áhyggjur af frammistöðum okkar fjarri Nývangi," sagði Valverde.

„Það er mikilvægt að nálgast þessa leiki á réttan hátt. Við vorum fínir í fyrri hálfleik en týndumst alveg í þeim síðari."