Marc Guehi, varnarmaður Crystal Palace, var gríðarlega eftirsóttur í sumar en Newcastle reyndi allt til að fá hann.
Guehi tryggði Crystal Palace stig gegn Wolves í dag þegar hann jafnaði metin í 2-2. Hann var spurður að því hvort umræðan í sumar hafi haft truflandi áhrif.
„Ég myndi segja já og nei. Þegar maður les eitthvað um sig getur það verið truflandi. Ég er með góðan stuðning í kringum mig, auðmýktin er mikilvæg. Palace hefur gefið mér allt í heiminum og ég vil endurgjalda þeim það og gera mitt besta," sagði Guehi.
Guehi gekk til liðs við Crystal Palace árið 2021 frá Chelsea en hann hefur leikið 107 leiki í úrvalsdeildinni fyrir félagið. Hann spilaði alla leiki Englands á EM í sumar.
Athugasemdir
