Davíð Kristján Ólafsson er að ganga til liðs við Kalmar
Íslenski bakvörðurinn Davíð Kristján Ólafsson er á leið til Kalmar í Svíþjóð en þetta herma áreiðanlegar heimildir Fótbolta.net.
Davíð, sem er 26 ára gamall, yfirgaf uppeldisfélag sitt, Breiðablik, árið 2019 og samdi við Álasund í Noregi.
Hann skoraði 2 mörk og lagði upp sjö í B-deildinni á nýafstöðnu tímabili er Álasund tryggði sig aftur upp í norsku úrvalsdeildina.
Samningur Davíðs rann út rétt fyrir áramót og var honum því frjálst að ræða við önnur félög.
Álasund hafði mikinn áhuga á að framlengja við Davíð og þá var mikill áhugi frá félögum á Norðurlöndunum og í Póllandi en samkvæmt heimildum Fótbolta þá hefur hann ákveðið að samþykkja tilboð frá Kalmar og verður gengið frá skiptunum á næstunni.
Kalmar hafnaði í 6. sæti sænsku úrvalsdeildarinnar á síðasta tímabili.
Athugasemdir
