Selma Sól Magnúsdóttir var ekki að svekkja sig of mikið á tapleiknum gegn Þýskalandi og er tilbúin í verkefni dagsins, sigra Tékkland og komast í umspil um sæti á Heimsmeistaramótinu á næsta ári.
„Mér fannst við gera okkar allra besta og vorum bara svolítið óheppnar að fá þetta mark á okkur í enda fyrri hálfleiks. Ekki beint vonbrigði, við reyndum okkar allra besta og mér fannst við alveg ná að halda í við þær á einhverjum tímapunkti í byrjun en auðvitað svekkjandi að tapa og allt það”, sagði Selma Sól
Tékkneska liðið er mjög sterkt og Selma gerir sér grein fyrir því að það er sterk samheldni í hópi andstæðinganna.
„Já, þær eru mjög fínar. Þær eru flestar úr sömu liðum í Tékklandi og þekkjast mjög vel, ólíkt okkur og þær eru með sterkt lið þannig að þetta verður hörkuleikur,” sagði Selma Sól.
„Við erum vel einbeittar og mjög tilbúnar í þetta verkefni. Við látum ekkert utanaðkomandi trufla okkar. Við þurfum að vinna þennan leik ”
Hér að ofan má sjá viðtalið í heild sinni.
Miðasala á leikinn er í gangi á tix.is
Athugasemdir