Valsmenn náðu ekki að nýta sér úrslitin í Kópavogi og gerðu aðeins 1-1 jafntefli gegn tíu leikmönnum FH. Ástbjörn Þórðarson var valinn maður leiksins á Hlíðarenda. Hann var öflugur varnarlega og átti stóran þátt í marki FH.

Fram vann 4-1 sigur gegn Keflavík þar sem Fred Saraiva hélt brasilíska sýningu og skoraði tvívegis. Tiago Fernandes var einnig frábær og er í úrvalsliðinu.

Ísak Andri Sigurgeirsson lék KA grátt þegar Stjarnan vann 4-0 sigur. Hvað er hægt að segja um þennan dreng sem ekki er búið að segja nú þegar? Mark og stoðsending og kom einnig að þriðja marki Stjörnunnar. Eggert Aron Guðmundsson var einnig algjörlega frábær og var meðal markaskorara.

Theodór Elmar Bjarnason var maður leiksins í 3-3 jafntefli Fylkis og KR. Elmar var allt í öllu hjá KR, skoraði tvö mörk og kom einnig að þriðja marki liðsins.

Hermann Hreiðarsson er þjálfari umferðarinnar eftir yfirburði ÍBV gegn HK. Eyjamenn unnu 3-0 sigur. Felix Örn Friðriksson skoraði gott mark, var vinnusamur og með hættulega fyrirgjafir. Sverrir Páll Hjaltested var öflugur í fremstu víglínu og kom ÍBV á bragðið með ekta framherja marki. Þá er Guy Smit í markinu í liði umferðarinnar.

Sjá einnig:
Sterkasta lið 9. umferðar
Sterkasta lið 8. umferðar
Sterkasta lið 7. umferðar
Sterkasta lið 6. umferðar
Sterkasta lið 5. umferðar
Sterkasta lið 4. umferðar
Sterkasta lið 3. umferðar
Sterkasta lið 2. umferðar
Sterkasta lið 1. umferðar