Sterkasta lið 1. umferðar - Frábær fyrsta umferð að baki

Ómar Ingi Guðmundsson er auðvitað þjálfari umferðarinnar eftir að hafa stýrt HK til sigurs í nágrannaslagnum gegn Breiðabliki. Arnþór Ari Atlason og Örvar Eggertsson, leikmenn HK, eru einnig í liði umferðarinnar.

Sami Kamel átti flottan leik í sigri Keflavíkur gegn Fylki og þar voru Dagur Ingi Axelsson og Nacho Heras einnig mjög góðir.

Jakob Franz Pálsson var öflugur í vörn KR í jafntefli gegn KA og þá voru Adam Ægir Pálsson og Frederik Schram bestir í liði Vals í sigri á ÍBV.



Vuk Oskar Dimitrijevic var maður leiksins þegar FH gerði jafntefli við Fram og þá voru Davíð Örn Atlason og Pablo Punyed bestir í sigri Víkinga gegn Stjörnunni.