Tveimur fyrstu leikjum dagsins er lokið í spænska boltanum. Sevilla tók á móti Real Madrid í stórleik.
Heimamenn í Sevilla héldu boltanum vel en sköpuðu ekki hættu í fyrri hálfleik. Gestirnir frá Madríd voru mun hættulegri og óheppnir að leiða ekki í hálfleik.
Í síðari hálfleik breyttist gangur leiksins og tóku heimamenn öll völd á vellinum en áttu þó erfitt með að brjóta vörn Madrídinga á bak aftur.
Lærisveinar Zinedine Zidane stóðu þó uppi sem sigurvegarar án þess að eiga stakt skot á rammann eftir leikhlé. Bono, markvörður Sevilla, gerðist þá sekur um skelfileg mistök þar sem honum mistókst að handsama lága fyrirgjöf og skaust knötturinn af honum og í netið.
Sevilla tókst ekki að jafna leikinn þrátt fyrir að vera betra liðið á vellinum og mikilvæg stig í hús fyrir ríkjandi Spánarmeistara Real.
Real er í þriðja sæti, með 20 stig eftir 11 umferðir. Sevilla er með 16 stig eftir 10 umferðir.
Sevilla 0 - 1 Real Madrid
0-1 Bono ('55, sjálfsmark)
Þá litu óvænt úrslit dagsins ljós þegar Levante skoraði þrjú gegn tíu leikmönnum Getafe.
Levante tók forystuna snemma leiks og fékk Chema svo beint rautt spjald fyrir háskaleik, þar sem hann fór með takkana langt frá jörðu og endaði með þá í bringu andstæðings. Full harkalegt rautt spjald.
Heimamenn voru manni fleiri og bættu tveimur mörkum við áður en annar leikmaður Getafe fékk rautt spjald á 77. mínútu. Meira var ekkki skorað og lokatölur 3-0 fyrir Levante sem er með 11 stig eftir 11 umferðir. Getafe er með 13 stig.
Levante 3 - 0 Getafe
1-0 M. Roger ('5)
2-0 D. Gomez ('17)
3-0 J. de Frutos ('57)
Rautt spjald: Chema, Getafe ('7)
Rautt spjald: D. Dakonam, Getafe ('77)
Stöðutaflan
Spánn
La Liga - karlar
Spánn
La Liga - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Barcelona | 37 | 31 | 1 | 5 | 94 | 33 | +61 | 94 |
| 2 | Real Madrid | 37 | 26 | 5 | 6 | 73 | 33 | +40 | 83 |
| 3 | Villarreal | 37 | 21 | 6 | 10 | 67 | 45 | +22 | 69 |
| 4 | Atletico Madrid | 37 | 21 | 6 | 10 | 61 | 39 | +22 | 69 |
| 5 | Betis | 37 | 14 | 15 | 8 | 57 | 47 | +10 | 57 |
| 6 | Celta | 37 | 13 | 12 | 12 | 52 | 48 | +4 | 51 |
| 7 | Getafe | 37 | 14 | 6 | 17 | 31 | 38 | -7 | 48 |
| 8 | Vallecano | 37 | 11 | 14 | 12 | 39 | 43 | -4 | 47 |
| 9 | Valencia | 37 | 12 | 10 | 15 | 43 | 54 | -11 | 46 |
| 10 | Real Sociedad | 37 | 11 | 12 | 14 | 58 | 60 | -2 | 45 |
| 11 | Espanyol | 37 | 12 | 9 | 16 | 42 | 54 | -12 | 45 |
| 12 | Athletic | 37 | 13 | 6 | 18 | 41 | 54 | -13 | 45 |
| 13 | Alaves | 37 | 11 | 10 | 16 | 43 | 54 | -11 | 43 |
| 14 | Sevilla | 37 | 12 | 7 | 18 | 46 | 59 | -13 | 43 |
| 15 | Osasuna | 37 | 11 | 9 | 17 | 44 | 49 | -5 | 42 |
| 16 | Elche | 37 | 10 | 12 | 15 | 48 | 56 | -8 | 42 |
| 17 | Levante | 37 | 11 | 9 | 17 | 46 | 59 | -13 | 42 |
| 18 | Girona | 37 | 9 | 13 | 15 | 38 | 54 | -16 | 40 |
| 19 | Mallorca | 37 | 10 | 9 | 18 | 44 | 57 | -13 | 39 |
| 20 | Oviedo | 37 | 6 | 11 | 20 | 26 | 57 | -31 | 29 |
