Gísli Gottskálk Þórðarson.
Miðjumaðurinn Gísli Gottskálk Þórðarson er samkvæmt heimildum Fótbolta.net nálægt því að ganga í raðir Lech Poznan í Póllandi.
Er það langt komið en Gísli kemur til með að verða einn dýrasti leikmaður sem hefur verið seldur frá íslensku félagsliði ef skiptin ganga í gegn.
Áhuginn á honum var gríðarlegur en Lech Poznan er að vinna kapphlaupið. Það var sagt frá því í útvarpsþættinum Fótbolti.net síðasta laugardag að Lech Poznan væri líklegasti áfangastaðurinn.
Er það langt komið en Gísli kemur til með að verða einn dýrasti leikmaður sem hefur verið seldur frá íslensku félagsliði ef skiptin ganga í gegn.
Áhuginn á honum var gríðarlegur en Lech Poznan er að vinna kapphlaupið. Það var sagt frá því í útvarpsþættinum Fótbolti.net síðasta laugardag að Lech Poznan væri líklegasti áfangastaðurinn.
Í síðustu viku var fjallað um það í pólskum fjölmiðlum að Lech Poznan og Rakow hefðu gert tilboð í Gísla en þeim var báðum hafnað. Lech gafst ekki upp en í þeim sömu fjölmiðlum var talað um að Víkingur vildi fá 500-600 þúsund evrur, 72-86 milljónir íslenskra króna, fyrir leikmanninn auk bónusgreiðslna eftir ákvæðum og greiðslu fyrir næstu sölu.
Gísli Gottskálk er tvítugur og hefur verið frábær í Sambandsdeildinni og var einn besti leikmaður Bestu deildarinnar á tímabilinu en Fótbolti.net valdi hann efnilegasta leikmann deildarinnar.
Athugasemdir
