Henry Winter, einn vinsælasti fjölmiðlamaður Bretlands, segir að Marcus Rashford, leikmaður Manchester United, sé að spila meiddur og að hann þurfi að fara í aðgerð í eitt skipti fyrir öll.
Winter segir að hann sé að spila með meiðsli í öxl og að hann þurfi að fara í aðgerð eftir Evrópumótið næsta sumar.
„Hann er að spila meiddur og gæti þurft að fara í aðgerð eftir EM. Rashford mun alltaf pína sig áfram og spila fyrir Manchester United, hann elskar félagið og elskar að spila. En hann þarf hvíld," sagði Winter
Marcus Rashford hefur spilað 42 leiki fyrir United á þessu tímabili og gert í þeim leikjum 18 mörk. Sex af þessum mörkum komu í riðlakeppni Meistaradeildar Evrópu en þar komst United ekki upp úr riðli sínum og spilar því í Evrópudeildinni þar sem liðið er komið í sextán liða úrslit.
Manchester United have a very special talent in Marcus Rashford, who is playing with a shoulder injury that might need an operation post-Euros. Rashford will always push his body, whatever the discomfort, because he loves playing and he loves United. But he needs a break. #mufc
— Henry Winter (@henrywinter) March 4, 2021
Athugasemdir