Albert dreymir um Spán - „Ætlar ekki að láta þvinga sig í burtu"

Mynd: Fótbolti.net - Hafliði Breiðfjörð

Albert Guðmundsson á hálft ár eftir af samningi sínum við AZ Alkmaar í Hollandi. Celtic, Rangers og Lazio hafa sýnt honum áhuga og þá er Feyenoord einnig með augastað á íslenska landsliðsmanninum.

AZ er þessa stundina að undirbúa sig fyrir seinni hluta tímabilsins í Hollandi en Albert komst ekki með í æfingaferð liðsins vegna veikinda.

Albert Brynjar Ingason var í hlaðvarpsþættinum Dr. Football í vikunni. Albert Brynjar, AI, ræddi um frænda sinn Albert Guðmundsson í þættinum.

„Það er talað um að hann fari í janúar, AZ fengi þá eitthvað fyrir hann. Ég er búinn að heyra í honum hljóðið og hann stefnir á að klára tímabilið með AZ. Hans „draumamove" er Spánn en hann veit að það er erfitt að komast að þar, það er ekki mikið um Íslendinga sem hafa spilað á Spáni. Hann er heitastur fyrir Spáni en er hins vegar miklu meira að spá í stærð félagsins en í hvaða landi það er. Hann færi frekar í Celtic en í lítið félag á Ítalíu," sagði Albert Brynjar.

„Feyenoord er staðfest með áhuga á honum sem er stórt. Albert hefur unnið með Arne Slot sem er þjálfari þar og hann talar mjög vel um hann. AZ vill reyna að fá eitthvað fyrir hann en Albert ætlar ekki að láta þvinga sig í burtu nema hann sé spenntur fyrir félaginu sem býður í hann," bætti Albert Brynjar við.

Albert hefur skorað 24 mörk í 94 leikjum með AZ og lagt upp tíu mörk. Hann gekk í raðir AZ frá PSV árið 2018.

Holland efsta deild - karlar

#	Lið	L	mun	Stig
1	Feyenoord	11	+21	25
2	Ajax	11	+17	24
3	PSV	11	+22	23
4	Twente	11	+18	23
5	AZ	11	+7	20
6	Fortuna Sittard	11	0	19
7	Heerenveen	11	+6	18
8	Groningen	11	+2	15
9	Cambuur Leeuwarden	11	+1	15
10	Go Ahead Eagles	11	-4	14
11	Sparta Rotterdam	11	-6	12
12	Utrecht	11	-12	12
13	NEC	11	-2	11
14	Zwolle	11	-11	11
15	Excelsior	11	-12	11
16	Telstar	11	-7	9
17	ADO Den Haag	11	-11	6
18	Willem II	11	-29	2