Gunnlaugur Jónsson tók við þjálfun ÍA í vetur.
,,Mestan part var ég mjög ánægður með þennan leik, við vorum í góðri stöðu, 3-2 og ekki margt sem benti til þess að við myndum glutra þeirri forystu niður," sagði Gunnlaugur Jónson þjálfari ÍA eftir 4-4 jafntefli gegn Keflavík í Lengjubikarnum í dag en þrjú mörk voru skoruð eftir að Ármann Smári Björnsson sá rauða spjaldið þegar ein mínúta var eftir af venjulegum leiktíma.
,,Það sýður hreinlega allt uppúr í lokin og við missum hausinn. Við missum fyrirliðann af velli með rautt spjald og hann dæmir víti upp frá því. Þeir jafna leikinn og komast svo yfir en við sýndum karakter með að jafna á lokamínútunum og ég er ánægður með það. Ég er heilt yfir ánægður með þennan leik en við getum lært af ákveðnum atriðum líka.
Nánar er rætt við Gunnlaug í sjónvarpinu að ofan.
Athugasemdir
