Kevin De Bruyne, stjarna Manchester City, telur að tapleikurinn gegn Manchester United í gær gæti hjálpað liðinu að ná markmiðum sínum á tímabilinu.

Eftir 21 sigurleik í röð og 28 leiki án ósigurs þá tapaði City 2-0 gegn erkifjendunum í United í gær.

City er samt enn í ljómandi góðum málum, ellefu stigum á undan United í töflunni þegar tíu umferðir eru eftir. Liðið á enn möguleika á því að taka „fernuna".

City er komið í úrslitaleik deildabikarsins, 8-liða úrslit FA-bikarsins og er 2-0 yfir gegn Borussia Mönchengladbach eftir fyrri viðureign liðanna í 16-liða úrslitum Meistaradeildarinnar.

Þrátt fyrir svekkjandi úrslit í gær þá kýs De Bruyne að líta á jákvæðiu hliðina.

„Auðvitað er ekki jákvætt að tapa í grannaslag," segir De Bruyne. „En stundum er nauðsynlegt að lenda í erfiðleikum og jafnvel tapa leikjum. Þú lærir af þessum stundum og nú þurfum við að slíðra sverðin og leggja mikið á okkur fyrir miðvikudaginn."

City mætir Southampton í ensku úrvalsdeildinni á miðvikudagskvöld.

„Á miðvikudaginn er nýr leikur og við einbeitum okkur að honum. Við teljum að í næsta leik þá munum við laga það sem fór úrskeiðis."

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit