Pep Guardiola gerði tíu breytingar á byrjunarliði Manchester City á milli leikja og mættu varaskeifurnar því til leiks gegn Newcastle United á St. James' Park í enska bikarnum í gærkvöldi.
Newcastle byrjaði vel og náði forystunni en gestirnir frá Manchester jöfnuðu metin og tóku öll völd á vellinum. Þeir voru talsvert sterkari aðilinn í síðari hálfleik og verðskulduðu að standa uppi sem sigurvegarar.
„Þetta er besti leikur sem við höfum spilað á þessum leikvangi síðan ég tók við Manchester City fyrir áratugi síðan," sagði Guardiola að leikslokum. „Við erum að ná stöðugleika í frammistöðurnar okkar og ég er mjög stoltur af því. Þetta er frábær sigur.
„Ég var gagnrýndur fyrir liðsvalið þegar við töpuðum gegn Leverkusen, en í dag unnum við svo það er allt i lagi. Þetta var góð ákvörðun í dag útaf því að við unnum, en þegar við töpum þá er það slæm ákvörðun."
Pep ræddi einnig um John Stones, Savinho, Omar Marmoush og Jérémy Doku. Marmoush skoraði tvennu í 1-3 sigri.
„Ég er mjög ánægður fyrir hans hönd (John Stones), hann er að standa sig vel eftir löng og erfið meiðsli. Hann var fyrirliðinn í dag og átti það skilið.
„Savinho og Jérémy Doku voru frábærir í dag, þvílíkur kantmaður sem Savinho er sérstaklega einn gegn einum. Hann er svo hættulegur. Hann og Doku voru frábærir í spilinu og sköpuðu mikla hættu. Við spiluðum virkilega, virkilega vel á mjög erfiðum velli.
„Ég er ánægður með Omar (Marmoush), seinna markið hans var sérstaklega gott."
Pep gagnrýndi að lokum dómgæsluna í leiknum.
„Það voru sumar dómaraákvarðanir sem ég átti erfitt með að skilja, til dæmis þegar var rifið aftan í Jérémy (Doku). Þetta væri brot alls staðar nema hér."
07.03.2026 21:53
Enski bikarinn: Varalið City með yfirburði í Newcastle
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 33 | 21 | 7 | 5 | 63 | 26 | +37 | 70 |
| 2 | Man City | 32 | 20 | 7 | 5 | 65 | 29 | +36 | 67 |
| 3 | Man Utd | 33 | 16 | 10 | 7 | 58 | 45 | +13 | 58 |
| 4 | Aston Villa | 33 | 17 | 7 | 9 | 47 | 41 | +6 | 58 |
| 5 | Liverpool | 33 | 16 | 7 | 10 | 54 | 43 | +11 | 55 |
| 6 | Chelsea | 33 | 13 | 9 | 11 | 53 | 42 | +11 | 48 |
| 7 | Brentford | 33 | 13 | 9 | 11 | 48 | 44 | +4 | 48 |
| 8 | Bournemouth | 33 | 11 | 15 | 7 | 50 | 50 | 0 | 48 |
| 9 | Brighton | 33 | 12 | 11 | 10 | 45 | 39 | +6 | 47 |
| 10 | Everton | 33 | 13 | 8 | 12 | 40 | 39 | +1 | 47 |
| 11 | Sunderland | 33 | 12 | 10 | 11 | 36 | 40 | -4 | 46 |
| 12 | Fulham | 33 | 13 | 6 | 14 | 43 | 46 | -3 | 45 |
| 13 | Crystal Palace | 32 | 11 | 10 | 11 | 35 | 36 | -1 | 43 |
| 14 | Newcastle | 33 | 12 | 6 | 15 | 46 | 49 | -3 | 42 |
| 15 | Leeds | 33 | 9 | 12 | 12 | 42 | 49 | -7 | 39 |
| 16 | Nott. Forest | 33 | 9 | 9 | 15 | 36 | 45 | -9 | 36 |
| 17 | West Ham | 33 | 8 | 9 | 16 | 40 | 57 | -17 | 33 |
| 18 | Tottenham | 33 | 7 | 10 | 16 | 42 | 53 | -11 | 31 |
| 19 | Burnley | 33 | 4 | 8 | 21 | 34 | 67 | -33 | 20 |
| 20 | Wolves | 33 | 3 | 8 | 22 | 24 | 61 | -37 | 17 |
