Fullt nafn: Rósey Björgvinsdóttir

Gælunafn: Er ekki með neitt

Aldur: 21 árs

Hjúskaparstaða: Í sambandi

Hvenær lékstu þinn fyrsta leik með meistaraflokki og er eitthvað minnisstætt úr leiknum: Spilaði fyrsta leikinn minn 2018 á móti Hvíta Riddaranum á Villa Park, man lítið eftir leiknum annað en að við unnum

Uppáhalds drykkur: Rauður koffínlaus collab

Uppáhalds matsölustaður: Ísey klikkar ekki

Uppáhalds tölvuleikur: Spila ekki tölvuleiki

Áttu hlutabréf eða rafmynt: Nei

Uppáhalds sjónvarpsþáttur: Modern family

Uppáhalds tónlistarmaður: Hlusta alls ekki mikið á tónlist en samkvæmt wrapped var það PBT

Uppáhalds hlaðvarp: Dr. Football er geitin

Uppáhalds samfélagsmiðill: Instagram

Fyrsta síðan sem þú ferð á þegar þú opnar netið: Fotbolti.net

Fyndnasti Íslendingurinn: Steindi Jr.

Hvernig hljómar síðasta sms sem þú fékkst: “hvað var planað með matinn aftur? plokkari?” Jújú strangheiðarlegur plokkfiskur í matinn.

Hvaða liði myndir þú aldrei spila með: Held það sé öruggast að segja “aldrei að segja aldrei”

Besti leikmaður sem þú hefur mætt: Sandra María

Besti þjálfarinn sem hefur þjálfað þig: Verð að segja Kalli

Mest óþolandi leikmaður sem þú hefur mætt: Agla María- óþolandi að fá þessar chippur frá henni yfir sig

Hver var fyrirmyndin þín í­ æsku: Mamma

Sætasti sigurinn: vinna ÍBV og tryggja okkur upp í Bestu

Mestu vonbrigðin: Bara 2023 tímabilið í heild sinni

Uppáhalds lið í enska: Arsenal - tökum meistaradeildina í ár og ensku á næsta tímabili;)

Ef þú fengir að velja einn leikmann úr öðru íslensku liði í þitt lið: Tek Áslaugu Mundu heim

Efnilegasti fótboltamaður/kona landsins: Björg Gunnlaugs

Fallegasti fótboltamaðurinn á Íslandi: No comment

Fallegasta fótboltakonan á Íslandi: Karólína Lea

Besti fótboltamaðurinn frá upphafi: Messi

Ein regla í fótbolta sem þú myndir breyta: Heyrði pælingu um golden goal í framlengingu hjá einhverjum og það hljómar ekkert eðlilega vel

Uppáhalds staður á Íslandi: Egilsstaðir

Segðu okkur frá skemmtilegu atviki sem gerst hefur í leik: Var aftasti maður þegar við áttum horn, svo kom boltinn til mín og ég ætlaði bara að bomba aftur inn í en festi einhvern veginn takkana í grasinu og faceplantaði. Hitt liðið komst síðan í svaka skyndisókn en skoraði sem betur fer ekki, vel vandræðalegt samt.

Ertu með einhverja hjátrú tengda fótbolta: Nei held ekki

Fyrir utan fótbolta, fylgist þú með öðrum íþróttum: Bara eitthvað aðeins þegar það eru stórmót í handbolta og svo með Hetti í körfunni

Í hvernig fótboltaskóm spilar þú: Puma future

Í hverju varstu/ertu lélegastur í­ skóla: Sundið var bras og er enn

Vandræðalegasta augnablik: Úff dettur ekkert í hug nema kannski þessi 2 sjálfsmörk sem ég hef skorað, það gerist ekki mikið óþægilegra.

Hvaða þremur leikmönnum byðir þú í mat og af hverju: Tæki Írisi Völu, Katrínu og Björgu. Það væri bara mikið hlegið, og svo deilum við nú allar sameiginlegum áhuga á borðspilum.

Bestur/best í klefanum og af hverju: Bjarndís Diljá, aldrei dauð þögn í klefa sem hún er í.

Hvern í liðinu þínu myndirðu velja til að taka þátt í sjónvarpsþáttaröð:Ég væri til að sjá eitt gott uppistand með Írisi Völu í Ísland got talent

Sturluð staðreynd um sjálfan þig: Vann Andrésarandarleikana 5x

Hvaða samherji hefur komið þér mest á óvart eftir að þú kynntist honum og af hverju: Íris Vala, er bara ekkert eðlilega fyndin

Hverju laugstu síðast: Ég lýg aldrei

Hvað er leiðinlegast að gera á æfingum: Uppspil hjá Kalla getur verið vel þreytt

Ef þú fengir eina spurningu til að spyrja hvern sem er: Hver yrði spurningin og hvern myndiru spyrja: Þarf bara að komast til botns í því hver ber ábyrgð á því að Arsenal gerði ekkert í janúarglugganum

Einhver skilaboð til stuðningsmanna fyrir sumarið: Allir á völlinn í sumar að sjá efstu deildar fótbolta á Austurlandi í fyrsta sinn í 30 ár!!!!!