„Ég held að Doherty verði frábær kaup í Fantasy," sagði Ingimar.

Hægri bakvörðurinn Serge Aurier gæti verið á förum eftir komu Doherty en hann hefur verið orðaður við AC Milan.

„Eins og Aurier getur átt geggjaða krossa og skorað mikið af mörkum þá er svakalegur óstöðugleiki hjá honum. Hann gæti gefið víti heima hjá sér. Hann gæti verið að fara í bað heima og gefið víti," sagði Hjammi léttur í bragði.

Vinstri bakvörðurinn Danny Rose fór til Newcastle á láni síðari hlutann á síðasta tímabili og virðist ekki í myndinni hjá Mourinho. Ben Davies er vinstri bakvörður númer eitt í dag en Hjammi og Ingimar eru ekki ánægðir með hann.

„Það eru 4-5 ár síðan við vorum með besta bakvarðaparið í deildinni í Kyle Walker og Danny Rose. Þá voru þeir ungir, heilir og spiluðu hátt uppi á vellinum hjá Pochettino," sagði Ingimar.

„Það er enginn sjarmi yfir Ben Davies. Þó gætir aldrei borið kennsl á hann," sagði Hjammi. „Ef við myndum mæta honum á ganginum hérna á Fótbolta.net þá er ég ekki viss að ég myndi þekkja hann. Besti leikur hans er 7 í einkunn en sá versti 4. Það eru aldrei neinar flugeldar," bætti Ingimar við.

Hér að neðan má hlusta á viðtalið við þá félaga.