Hinn 35 ára gamli Coleman meiddist í seinni hálfleik í 0-2 tapi gegn Englandi í gær er liðin mættust í fyrstu umferð í B-deild Þjóðadeildarinnar.

Festy Ebosele kemur inn í landsliðshópinn í staðinn en hann er leikmaður Udinese í ítalska boltanum.

Ebosele er 22 ára gamall og er með þrjá landsleiki að baki fyrir Írland.

Mögulegt er að hann byrji á bekknum gegn Grikklandi þar sem búist er við að Matt Doherty verði í hægri bakverði.

Heimir Hallgrímsson þjálfar írska landsliðið og stýrði hann liðinu í fyrsta sinn í tapinu í gær.