Jesus í leik á þessu tímabili.
Arsenal, topplið ensku úrvalsdeildarinnar, flaug í gær yfir til Lissabon þar sem liðið mun spila við Sporting frá Portúgal í fyrri leik liðanna í 16-liða úrslitum Evrópudeildarinnar.
Sóknarmaðurinn Gabriel Jesus er byrjaður að æfa aftur með Arsenal eftir langvinn meiðsli. Hann var á æfingu í gær áður en flogið var til Portúgal.
En var hann með í fluginu til Portúgal? Mikel Arteta, stjóri Arsenal, gaf ekkert upp þegar fréttamenn spurðu hann út í það.
„Þið fáið fréttir um liðið á morgun. Þið sjáið á morgun hvaða leikmenn geta spilað í leiknum," sagði Arteta en Arsenal birti myndir á samfélagsmiðlum í gær af leikmönnum á leið upp í flugvélina. Jesus sást ekki á þeim myndum.
Arteta hefur talað um það að Arsenal muni fara varlega með Jesus þrátt fyrir aðrir sóknarmenn séu meiddir þessa stundina.
Fyrri leikur Arsenal og Sporting verður flautaður á klukkan 17:45 í kvöld.
Athugasemdir
