Heimavöllur PSG
Spilað á Prinsavelli á Ólympíuleikunum í fyrra.
Frakkar taka á móti Íslendingum á Prinsavelli í París klukkan 18:45 að íslenskum tíma í kvöld. Leikurinn er liður í undankeppni HM og er bæði lið með þrjú stig eftir fyrstu umferð riðilsins.
Parc des Princes, Prinsavöllur, tekur um 48 þúsund manns í sæti, búist er við því að rúmlega 40 þúsund manns verði á vellinum í kvöld og þar á meðal verða á bilinu 150-200 Íslendingar.
Parc des Princes, Prinsavöllur, tekur um 48 þúsund manns í sæti, búist er við því að rúmlega 40 þúsund manns verði á vellinum í kvöld og þar á meðal verða á bilinu 150-200 Íslendingar.
195 blaðamenn og 52 ljósmyndarar eru skráðir á leikinn, tvær sjónvarpsstöðvar (SÝN og TF1) og sex útvarpsstöðvar. Fimm íslenskir fjölmiðlar fylgja íslenska liðinu; Fótbolti.net, SÝN, RÚV, Morgunblaðið og 433.
Það verður að sjálfsögðu VAR á leiknum og marklínutækni.
Það er ljóst að leikflöturinn er eitthvað viðkvæmur. Didier Deschamps, þjálfari franska liðsins, var spurður út í hann á fréttamannafundi í gær og sagði að völlurinn væri skárri en í síðasta leik. Þegar leikmenn hita upp í kvöld verður passað upp á ákveðin svæði vallarins.
Prinsavöllur er heimavöllur franska stórliðsins PSG. Spilað er á Prinsavelli en ekki þjóðarleikvanginum, Stade de France, þar sem ekki náðust samningar við þá sem reka þjóðarleikvanginn fyrir þessa undankeppni.
Landslið karla - HM 2026
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Ísland | 1 | 1 | 0 | 0 | 5 - 0 | +5 | 3 |
| 2. Frakkland | 1 | 1 | 0 | 0 | 2 - 0 | +2 | 3 |
| 3. Úkraína | 1 | 0 | 0 | 1 | 0 - 2 | -2 | 0 |
| 4. Aserbaísjan | 1 | 0 | 0 | 1 | 0 - 5 | -5 | 0 |
Athugasemdir
