Man Utd með Stiller og Gallagher á blaði - Liverpool með augu á Semenyo - Newcastle vill fá Anderson aftur
banner
   mið 01. október 2025 17:15
Elvar Geir Magnússon
Thuram ekki með til Íslands
Eimskip
Marcus Thuram.
Marcus Thuram.
Mynd: EPA
La Gazzetta dello Sport greinir frá því að Marcus Thuram, framherji Inter, verði ekki með franska landsliðinu í komandi leikjum vegna meiðsla.

Frakkar munu mæta Aserbaídsjan á Prinsavöllum á föstudaginn í næstu viku og svo leika gegn Íslandi á Laugardalsvelli mánudaginn þar á eftir, 13. október.

Thuram var tekinn af velli í 3-0 sigri Inter gegn Slavia Prag í Meistaradeildinni í gær og sást yfirgefa leikvanginn haltrandi.

Samkvæmt fréttum verður hann frá næstu fjórar vikurnar eða svo.

Thuram er 28 ára og hefur leikið 31 landsleik fyrir Frakkland. Hann var í byrjunarliðinu þegar Frakkar unnu nauman sigur gegn Íslendingum í síðasta landsleikjaglugga.

Frakkar verða einnig án Ousmane Dembele, Desire Doue, Rayan Cherki og Randal Kolo Muani í leikjunum gegn Aserbaídsjan og Íslandi.
Landslið karla - HM 2026
Lið L U J T Mörk mun Stig
1.    Frakkland 4 3 1 0 9 - 3 +6 10
2.    Úkraína 4 2 1 1 8 - 7 +1 7
3.    Ísland 4 1 1 2 11 - 9 +2 4
4.    Aserbaísjan 4 0 1 3 2 - 11 -9 1
Athugasemdir
banner
banner