Ítalía í dag - Milanó menn fullir sjálfstrausts

Milan heimsækir Cagliari í ítölsku deildinni í kvöld eftir frábæran sigur í vikunni.

Liðið lagði Real Madrid í Meistaradeildinni á Bernabeu en liðið getur tengt saman þrjá sigurleiki í röð í fyrsta sinn á tímabilinu í dag.

Juventus hefur aðeins unnið einn af síðustu þremur leikjum í deildinni og þá gerði liðið jafntefli gegn Lille í Meistaradeildinni í vikunni. Liðið fær Torino í heimsókn í grannaslag.

Fyrsti leikur dagsins er hins vegar leikur Venezia og Parma en Mikael Egill Ellertsson hefur verið að spila reglulega hjá Venezia á tímabilinu.