Kokhraustur fyrir leikinn gegn toppliðinu: Ekkert lið er ósigrandi

Þessi goðsögn Roma hefur unnið þrjá fyrstu leiki sína í starfinu en fyrsta alvöru prófið kemur í dag þegar Roma mætir toppliði Inter. Leikurinn fer fram á Stadio Olimpico en Inter situr í efsta sæti deildarinnar með 57 stig á meðan Roma er í því fimmta með 38 stig.


De Rossi spila 4-3-2-1 taktíkina og stillir upp í þriggja manna varnarlínu þegar Roma er með boltann. Hann hefur ýtt liðinu ofar á völlinn heldur en það var áður og þá vill hann pressa andstæðinginn.

„Við þurfum að hafa kjark,” sagði De Rossi.

„Ekkert lið er ósigrandi, ekki einu sinni Inter sem er í efsta sætinu og er að eiga frábært tímabil. Þegar allt kemur til alls þá erum við Roma, við erum að fara spila fyrir framan okkar stuðningsmenn, 65 þúsund manns, við verðum að spila án hræðslu. Við gætum þurft að þjást en við megum ekki leyfa þeim að taka algjörlega yfir. Við vitum að við getum unnið þennan leik.”

Leikurinn hefst klukkan 17 og er stórleikur helgarinnar í Serie A deildinni. Með sigri geta Rómverjar komið sér í topp fjóra en Inter getur aftur á móti náð sjö stiga forskoti á Juventus vinni liðið í Róm.

Inter vann Juventus í innbyrðisleik liðanna um síðustu helgi í Mílanó borg en Roma valtaði yfir Cagliari í sömu umferð.