Sky Sports greinir frá því að Manchester United hefur hafið samningsviðræður við umboðsteymi Paul Pogba.
Hinn 28 ára gamli Pogba á aðeins eitt ár eftir af samningi sínum við Rauðu djöflana og er framtíð hans í óvissu.
Ole Gunnar Solskjær vill halda Pogba í liði Man Utd en frammistöður miðjumannsins hafa verið umdeildar í gegnum tíðina.
Í heildina á Pogba 206 keppnisleiki að baki fyrir Man Utd. Í þeim hefur hann skorað 38 mörk og lagt 45 upp.
Pogba er eftirsóttur víðsvegar um Evrópu enda talinn til hæfileikaríkustu miðjumanna knattspyrnuheimsins.
Athugasemdir