Holland og England eigast við í síðari undanúrslitaleik Evrópumótsins í Þýskalandi í dag.
Spánverjar eru komnir í úrslit eftir að hafa lagt Frakka að velli, 2-1, í München í gær en í kvöld ræðst það hvaða þjóð mun mæta Spánverjum í úrslitum.
Holland og England mætast á Signal Iduna Park í Dortmund klukkan 19:00.
Englendingar hafa verið ósannfærandi stærstan hluta mótsins en áttu fínasta leik er þeir unnu Sviss í 8-liða úrslitum. Hollendingar hafa verið sterkari en Englendingar og mjög skapandi í sóknarleiknum.
England gæti komist í úrslit Evrópumótsins í annað sinn í röð en Holland hefur ekki komist í úrslit síðan 1988. Það ár unnu Hollendingar mótið og var Ronald Koeman, núverandi þjálfari landsliðsins, mikilvægur leikmaður í sigurliðinu fræga.
Leikur dagsins:
19:00 Holland - England
Athugasemdir