Eintracht Frankfurt og Real Madrid eigast við í úrslitaleik um Ofurbikar Evrópu í kvöld.
Frankfurt vann úrslitaleik Evrópudeildarinnar eftir vítaspyrnukeppni gegn Rangers á meðan Real Madrid sigraði Liverpool í úrslitaleik Meistaradeildarinnar.
Leikur kvöldsins verður áhugaverður og mögulegt að Frankfurt sé með smá forskot þar sem þýska deildartímabilið byrjaði um síðustu helgi. Frankfurt er búið að spila tvo keppnisleiki í mánuðinum, fjögurra marka sigur í bikarnum og svo stórt tap á heimavelli gegn FC Bayern.
Real Madrid spilaði aðeins þrjá æfingaleiki á undirbúningstímabilinu en þeim síðasta lauk með 2-0 sigri gegn Juventus. Þetta verður fyrsti keppnisleikur Madrídinga tímabilið 2022-23.
Liðin mætast á Ólympíuleikvangi Finna í Helsinki.
Leikur kvöldsins:
19:00 Real Madrid - Frankfurt (Stöð 2 Sport 2)