Stuðningsmenn Cadiz kölluðu eftir hjálp í stúkuna og ákvað dómarinn um leið að stöðva leikinn en ekki kom sérstaklega fram hvað hafði átt sér stað.

Jeremías Ledesma, markvörður Cadiz, var með skjót viðbrögð og hjálpaði sjúkraliðum í þessum erfiðu aðstæðum.

Hann hljóp eftir sjúkrakassa og kom honum í viðeigandi hendur. Rúmum hálftíma síðar var einstaklingurinn fluttur með sjúkrabíl. Nokkrir aðrir leikmenn hjálpuðu til við að koma sjúkrabörunum upp í stúku.

Leikmenn voru sendir inn í klefa á meðan og hituðu upp eftir að sjúkrabíllinn yfirgaf völlinn. Hann er nú kominn aftur af stað en Barcelona er að leiða með þremur mörkum gegn engu.