Ástbjörn Þórðarson.
FH hefur gert nokkur tilboð í Ástbjörn Þórðarson, 22 ára hægri bakvörð Keflavíkur.
Keflavík hefur hafnað öllum tilboðunum til þessa en samkvæmt heimildum Fótbolta.net er vilji leikmannsins að ganga í raðir Hafnarfjarðarfélagsins.
Keflavík hefur hafnað öllum tilboðunum til þessa en samkvæmt heimildum Fótbolta.net er vilji leikmannsins að ganga í raðir Hafnarfjarðarfélagsins.
Ástbjörn er ákaflega fjölhæfur leikmaður en samningur hans við Keflavík rennur út eftir tímabilið.
Keflvíkingar eru farnir að horfa í möguleikann á að missa Ástbjörn og eru farnir að skoða kosti til að fylla hans skarð.
Ástbjörn er uppalinn KR-ingur en gekk í raðir Keflavíkur fyrir síðasta tímabil og átti öflugt tímabil. Hann lék alla 22 leiki liðsins í efstu deild.
FH vill fá Ástbjörn í hægri bakvörðinn hjá sér eftir að Hörður Ingi Gunnarsson yfirgaf félagið og fór til Sogndal.
FH endaði í sjötta sæti í fyrra en Keflavík, sem var nýliði, hafnaði í tíunda sæti.
Athugasemdir
