Ítalski miðjumaðurinn Jorginho hefur átt frábært ár bæði með Chelsea og ítalska landsliðinu. Roberto Mancini hefur miklar mætur á leikmanninum og telur að hann eigi skilið að vera útnefndur sem besti leikmaður heims.
Jorginho vann Meistaradeild Evrópu með Chelsea í lok síðasta tímabils og fylgdi því svo á eftir með því að vinna Evrópumótið með ítalska landsliðinu.
Hann kemur til greina sem besti leikmaður ársins (Ballon d'Or) og verða þau afhent í lok árs.
„Jorginho ætti að vinna Ballon d'Or. Það er mín skoðun. Hann hefur unnið allt og á skilið að vinna þessi verðlaun og væri það eiginlega bara skrítið ef hann myndi ekki vinna," sagði Mancini, þjálfari ítalska landsliðsins.
Athugasemdir