Eddie Howe þjálfari Newcastle var spurður út í kantmanninn Harvey Barnes sem hefur aðeins byrjað einn af síðustu níu leikjum liðsins.
Hann var síðast í byrjunarliðinu í 4-2 tapi á útivelli gegn Brentford og skoraði þar eitt af tveimur mörkum Newcastle. Hann hefur þó komið inn af bekknum í hverjum einasta leik síðan, án þess að skora eða leggja upp.
Barnes, sem var keyptur til Newcastle fyrir 38 milljónir punda, má þó búast við að vera í byrjunarliðinu gegn neðrideildaliði Bromley í enska bikarnum í dag.
„Harvey getur alveg komist inn í byrjunarliðið hjá okkur sérstaklega þegar það er svona mikið leikjaálag. Hann er frábær leikmaður sem er vanur að skora mörk og leggja upp og við munum þurfa á honum að halda á næstu mánuðum," segir Howe.
„Hann hefur aðallega verið að koma inn af bekknum fyrir okkur á þessu tímabili en hann er búinn að vera að standa sig frábærlega. Hann er búinn að skora afar mikilvæg mörk komandi inn af bekknum og er hans framlag alltaf mikilvægt jafnvel í leikjum þar sem hann skorar ekki.
„Hann leggur mikla vinnu á sig og ég ber mikla virðingu fyrir honum bæði sem leikmanni og manneskju. Hann er frábær einstaklingur og mjög mikilvægur leikmaður fyrir Newcastle."
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Liverpool | 19 | 14 | 4 | 1 | 47 | 19 | +28 | 46 |
| 2 | Arsenal | 20 | 11 | 7 | 2 | 39 | 18 | +21 | 40 |
| 3 | Nott. Forest | 20 | 12 | 4 | 4 | 29 | 19 | +10 | 40 |
| 4 | Chelsea | 20 | 10 | 6 | 4 | 39 | 24 | +15 | 36 |
| 5 | Newcastle | 20 | 10 | 5 | 5 | 34 | 22 | +12 | 35 |
| 6 | Man City | 20 | 10 | 4 | 6 | 36 | 27 | +9 | 34 |
| 7 | Bournemouth | 20 | 9 | 6 | 5 | 30 | 23 | +7 | 33 |
| 8 | Aston Villa | 20 | 9 | 5 | 6 | 30 | 32 | -2 | 32 |
| 9 | Fulham | 20 | 7 | 9 | 4 | 30 | 27 | +3 | 30 |
| 10 | Brighton | 20 | 6 | 10 | 4 | 30 | 29 | +1 | 28 |
| 11 | Brentford | 20 | 8 | 3 | 9 | 38 | 35 | +3 | 27 |
| 12 | Tottenham | 20 | 7 | 3 | 10 | 42 | 30 | +12 | 24 |
| 13 | Man Utd | 20 | 6 | 5 | 9 | 23 | 28 | -5 | 23 |
| 14 | West Ham | 20 | 6 | 5 | 9 | 24 | 39 | -15 | 23 |
| 15 | Crystal Palace | 20 | 4 | 9 | 7 | 21 | 28 | -7 | 21 |
| 16 | Everton | 19 | 3 | 8 | 8 | 15 | 25 | -10 | 17 |
| 17 | Wolves | 20 | 4 | 4 | 12 | 31 | 45 | -14 | 16 |
| 18 | Ipswich Town | 20 | 3 | 7 | 10 | 20 | 35 | -15 | 16 |
| 19 | Leicester | 20 | 3 | 5 | 12 | 23 | 44 | -21 | 14 |
| 20 | Southampton | 20 | 1 | 3 | 16 | 12 | 44 | -32 | 6 |
Athugasemdir
