21. umferðin í þýsku úrvalsdeildinni hófst í kvöld með leik RB Leipzig og Augsburg.

Tvær vítaspyrnur litu dagsins ljós í leiknum og sú fyrri kom á 38. mínútu þegar Dani Olmo skoraði af punktinum fyrir Leipzig. Christopher Nkunku bætti við öðru markinu á markamínútunni frægu og staðan 2-0 í hálfleik.

Gestirnir gáfstu ekki upp og Daniel Caligiuri minnkaði muninn úr vítaspyrnu þegar þrettán mínútur voru til leiksloka. Nær komst Augsburg hins vegar ekki og mikilvægur sigur Leipzig staðreynd.

Leipzig er nú fjórum stigum á eftir Bayern sem situr á toppi deildarinnar. Bayern á þó einn leik til góða. Augsburg er í þrettánda sæti.

Alfreð Finnbogason var ekki í leikmannahópi gestanna í kvöld.