Heimild: Stöð 2
Danijel Djuric, leikmaður Víkings.
„Tveggja leikja bann er bara mjög eðlilegt finnst mér. Ég sé eftir þessu og verð í skammarkróknum í næstu tvo leiki. Það er bara eins og það er," sagði Danijel Djuric, í viðtali í kvöldfréttum Stöðvar 2.
Danijel var dæmdur í tveggja leikja bann fyrir að kasta vatnsbrúsa frá hlaupabrautinni upp í stúku eftir jafntefli gegn Breiðabliki á Kópavogsvelli þann 30. maí síðastliðinn. Brúsinn fór í stuðningsmann Breiðabliks sem hafði ögrað Danijel með orðum sínum.
Danijel var dæmdur í tveggja leikja bann fyrir að kasta vatnsbrúsa frá hlaupabrautinni upp í stúku eftir jafntefli gegn Breiðabliki á Kópavogsvelli þann 30. maí síðastliðinn. Brúsinn fór í stuðningsmann Breiðabliks sem hafði ögrað Danijel með orðum sínum.
Danijel mun því missa af leikjum Víkings gegn Val á útivelli og KR á heimavelli.
„Mér finnst eins og allt ferlið fyrir Kópavogsleikinn hafi þyrlað þessu upp. Frá vítaspyrnudómnum uppi á Skaga og svo kemur leikurinn. Ég spring í Blikaleiknum," segir Danijel í viðtali við Stefán Árna Pálsson.
„Ég er ungur og vitlaus. Ég er ekki stoltur af þessu og biðst fyrirgefningar fyrir það."
Í umræddum leik á Akranesi var Danijel sakaður um leikaraskap og hrópað var að honum í viðtali eftir þann leik. Hann segist ekki þekkja annað en að fá að heyra það úr stúkunni og pirringurinn í leiknum í Kópavogi hafi verið uppsafnaður.
Besta-deild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Víkingur R. | 22 | 15 | 4 | 3 | 56 - 23 | +33 | 49 |
| 2. Breiðablik | 22 | 15 | 4 | 3 | 53 - 28 | +25 | 49 |
| 3. Valur | 22 | 11 | 5 | 6 | 53 - 33 | +20 | 38 |
| 4. ÍA | 22 | 10 | 4 | 8 | 41 - 31 | +10 | 34 |
| 5. Stjarnan | 22 | 10 | 4 | 8 | 40 - 35 | +5 | 34 |
| 6. FH | 22 | 9 | 6 | 7 | 39 - 38 | +1 | 33 |
| 7. Fram | 22 | 7 | 6 | 9 | 31 - 32 | -1 | 27 |
| 8. KA | 22 | 7 | 6 | 9 | 32 - 38 | -6 | 27 |
| 9. KR | 22 | 5 | 6 | 11 | 35 - 46 | -11 | 21 |
| 10. HK | 22 | 6 | 2 | 14 | 26 - 56 | -30 | 20 |
| 11. Vestri | 22 | 4 | 6 | 12 | 22 - 43 | -21 | 18 |
| 12. Fylkir | 22 | 4 | 5 | 13 | 26 - 51 | -25 | 17 |
Athugasemdir
