Sonný skoðar bikarinn.
"Tilfinningin er virkilega góð. Það er gaman að spila svona leik og fá að spila á Laugardalsvellinum," sagði Sonný Lára Þráinsdóttir, markvörður Breiðabliks, sem vann í kvöld sinn fyrsta bikarmeistaratitil þegar Breiðablik vann ÍBV í úrslitum Borgunarbikarsins.
Lestu um leikinn: Breiðablik 3 - 1 ÍBV
"Við byrjuðum mjög vel og náðum marki fljótlega. Þær minnkuðu muninn snemma í seinni hálfleik en við settum fljótlega annað mark svo þetta var bara fínt."
Sonný hafði ekki mikið að gera í markinu í fyrri hálfleiknum en hún kvartar ekki yfir því. "Það er fínt að boltinn sé hinum megin á vellinum bara. Mér er alveg sama þó ég hafi ekki neitt að gera á meðan við vinnum leikinn."
Þá var hún spurð hvernig liðið ætlaði sér að fagna titilinum í kvöld. "Það verður sungið eitthvað í Smáranum í kvöld," sagði Sonný að lokum.
