Ísland mætir fyrst Danmörku í Kaupmannahöfn á sunnudaginn. Ferðabann er frá Danmörku til Englands eftir að stökkbreytt afbrigði af kóronuveirunni fannst í minkum í Danmörku.

Rætt hefur verið um að færa leik Íslands og Englands til Þýskalands eða í annað land. Englendingar hafa nú óskað eftir sérstakri undanþágu til að Ísland megi koma til landsins, að uppfylltum ströngum skilyrðum.

Leikmenn Íslands fara í kórónuveirupróf áður en þeir leggja af stað frá Danmörku.

„Við höfum náð samkomulagi við íslenska liðið um að þeir komi í einkaflugvél í einkaflugstöð og liðið má einungis vera á hóteli liðsins og á leikvanginum," segir talsmaður enska knattspyrnusambandsins.

„Við munum bæta við kórónuveiruprófum fyrir alla leikmenn og starfsmenn fyrir leikinn."