Joe Gomez, varnarmaður Liverpool, fór í dag í aðgerð í London eftir að hann meiddist á hné á æfingu enska landsliðsins í gær. Hinn 23 ára gamli Gomez verður frá keppni í nokkra mánuði.
„Enginn tímarammi hefur verið settur á endurkomu en meiðslin munu líklega útiloka að hann spili stóran hluta af því sem er eftir af tímabilinu 2020-21," segir á vef Liverpool.
„Enginn tímarammi hefur verið settur á endurkomu en meiðslin munu líklega útiloka að hann spili stóran hluta af því sem er eftir af tímabilinu 2020-21," segir á vef Liverpool.
Þessi meiðsli eru mikið áfall fyrir Liverpool en í síðasta mánuði meiddist Virgil van Dijk illa á hné og óvíst er hvort hann spili meira á tímabilinu.
Liverpool gæti keypt miðvörð í janúar í ljósi þessara frétta. Joel Maip er eini reynslumikli miðvörðurinn sem er heill heilsu en Nathaniel Phillips og Rhys Williams hafa báðir fengið tækifæri að undanförnu.
Þá gæti miðjumaðurinn Fabinho spilað í hjarta varnarinnar en hann snýr aftur eftir meiðsli þegar boltinn byrjar að rúlla eftir landsleikjahlé.
Auk meiðsla Van Dijk og Gomez þá verður bakvörðurinn Trent Alexander-Arnold næstu fjórar vikurnar vegna meiðsla sem hann varð fyrir gegn Manchester City um síðustu helgi.
Athugasemdir