Grétar Rafn fær stórt starf hjá Tottenham

Grétar er fyrrum landsliðsmaður Íslands sem lék lengi sem bakvörður erlendis; í Sviss, Hollandi Tyrklandi og á Englandi. Að loknum leikmannsferlinum lauk Grétar Rafn meistaranámi í íþróttastjórnun við Johann Cruyff stofnunina í Barcelona og er hann einnig útskrifaður sem Level 5 Technical Director frá enska fótboltasambandinu.

Grétar hefur starfað á Englandi síðustu ár, fyrst sem yfirmaður fótboltamála hjá Fleetwood Town og svo var hann í stóru hlutverki á bak við tjöldin hjá Everton í leikmannamálum félagsins.

Síðustu mánuði er Grétar búinn að vera í tímabundnu ráðgjafastarfi hjá KSÍ þar sem hann hefur unnið að því að efla starf sambandsins. Hann mun hætta þar í sumar og færa sig yfir til Tottenham.

Hjá Tottenham mun Grétar starfa í kringum í aðal- og unglingalið félagsins og mun hann vinna náið með Fabio Paratici, sem er yfirmaður fótboltamála hjá félaginu.

Tottenham endaði í fjórða sæti ensku úrvalsdeildarinnar á síðustu leiktíð og spilar í Meistaradeildinni á komandi keppnistímabili.

🚨 EXCL: Tottenham to name Gretar Steinsson as performance director. Ex-Everton head of recruitment No2 to Paratici. #THFC also appointing Simon Davies as academy head of methodology. Ex-Man City academy head + Anderlecht coach under Kompany @TheAthleticUK https://t.co/59yF5WU2jc

— David Ornstein (@David_Ornstein) June 13, 2022