Brendan Rodgers, stjóri Leicester, er efstur á lista nýrra eigenda Newcastle sem eru í stjóraleit. Það er Sky á Ítalíu sem greinir frá.
Steve Bruce er stjóri Newcastle en afar líklegt er að nýir eigendur munu láta hann fara við fyrsta tækifæri.
Steve Bruce er stjóri Newcastle en afar líklegt er að nýir eigendur munu láta hann fara við fyrsta tækifæri.
Það mun kosta Newcastle sextán milljónir evra til að losa Rodgers undan samningi hjá Leicester.
Fjárfestar frá Sádí-Arabíu festu kaup á Newcastle fyrir sex dögum síðan og eru eigendur félagsins ríkustu eigendur í bransanum.
Steven Gerrard, stjóri Rangers, hefur einnig verið orðaður við starfið en talið er að hann sé á lokatímabili sínu á Ibrox. Þá hefur verið talað um Frank Lampard og jafnvel Antonio Conte sem næsta stjóra Newcastle.
Newcastle tapaði gegn Wolves í síðasta leik sínum í deildinni og á leik gegn Tottenham á sunnudag. Liðið er með þrjú stig í næstneðsta sæti deildarinnar eftir sjö umferðir.
Athugasemdir