Heimamenn í Alaves höfðu talsverða tölfræðilega yfirburði í kvöld en það eru mörkin sem telja.

Martin Braithwaite kom gestunum yfir undir lok fyrri hálfleiks. Hann skoraði eftir undirbúning frá Kevin Rodrgues.

Staðan var 0-1 allt þar til á 81. mínútu þegar Joselu jafnaði leikinn fyrir heimamenn í Alaves. Joselu var réttur maður á réttum stað þegar boltinn var laus í teingum og skoraði með skoti af stuttu færi.

Markið var skoðað með VAR og var staðfest, gott og gilt, þremur mínútum seinna.

Alaves stöðvaði með jafnteflinu tveggja leikja taphrinu. Alaves hefur nítján stig í 15. sæti á meðan Leganes er með tíu stig í nítjánda- og næstneðsta sæti deildarinnar. 22. umferðin heldur áfram á Spáni á morgun.