Martin: Man Utd fær ekki vinstri fótinn hans fyrir 21 milljón punda

Mynd: Getty Images

Tyler Dibling hefur verið einn ljósustu punktunum hjá Southampton á tímabili til þessa og er orðaður við Manchester United og Aston Villa ásamt því að vera á blaði hjá félögum í Þýskalandi og á Ítalíu.

Verðmiðinn er sagður vera 21 milljón punda en Russell Martin, stjóri Southampton, segir að verðmiðinn sé talsvert hærri. Stjórinn hló að þessari upphæð.

„Mér var sagt frá einhverjum orðrómi um Manchester United, ein sagan var af tilboði upp á 21 milljón punda."

„Ég er ekki viss um að þú fári vinstri fótinn hans fyrir það," sagði Martin á fréttamannafundi í aðdraganda leiksins gegn Tottenham um helgina. Dibling er örvfættur, svo það sé tekið fram.

Stjórinn viðurkennir að það gangi ekki vel að framlengja saminginn við leikmanninn en núgildandi samningur gildir til sumarsins 2027. „Við höfum boðið honum samning, mjög góðan samning fyrir leikmann á hans aldri. Á þessari stundu, þá held ég að umboðsmaðurinn hans sé ekki sammála."

„Ég held að Tyler vilji framlengja, held að foreldrar hans vilji það, svo við sjáum hversu langan tíma þetta tekur. Það er tækifæri fyrir okkur að framlengja sjálfkrafa, en ég held að við viljum ekki gera það. Við viljum verðlauna Tyler fyrir hans frammistöðu," sagði Martin.

Dibling er 18 ára Englendingur sem getur bæði spilað sem sóknarsinnaður miðjumaður eða á hægri kantinum.

Stöðutafla

#	Lið	L	mun	Stig
1	Man City	5	+8	15
2	Arsenal	5	+4	12
3	Brighton	5	+11	10
4	Brentford	5	+6	9
5	Leeds	5	+4	9
6	Liverpool	5	+3	9
7	Everton	5	+3	9
8	Hull City	5	+2	8
9	Newcastle	5	0	8
10	Chelsea	5	-2	7
11	Ipswich Town	5	-4	6
12	Man Utd	5	0	5
13	Nott. Forest	5	-1	5
14	Sunderland	5	-4	4
15	Crystal Palace	5	-5	4
16	Aston Villa	5	-5	4
17	Bournemouth	5	-2	3
18	Coventry	5	-9	3
19	Fulham	5	-3	2
20	Tottenham	5	-6	2