Breki, sem er fæddur 2003, kom til Njarðvíkur á láni í apríl en spilaði aðeins einn leik.

Hann kom inn af bekknum síðustu tíu mínúturnar í 1-0 tapi gegn Grindavík.

Leikmaðurinn hefur verið að glíma við meiðsli og er nú mættur aftur til ÍA, en það eru gerðar vonir um að hann nái lokasprettinum með Skagamönnum.

Breki spilaði sextán leiki með ÍA í Lengjudeildinni á síðasta ári en alls hefur hann spilað 24 leiki og skorað 2 mörk í deild- og bikar með liðinu.