England: Sancho lagði upp sigurmarkið

Chelsea vann Bournemouth á Vitality vellinum í kvöld.

Bournemouth var sterkari aðilinn í fyrri hálfleik og fékk gullið tækifæri til að ná forystunni undir lokin. Þá fékk Evanilson vítaspyrnu þegar Robert Sanchez, markvörður Chelsea, braut á honum.

Evanilson steig á punktinn en Sanchez varði vel frá honum og því markalaust þegar liðin gengu inn til búningsherbergja þegar flautað var til loka fyrri hálfleiks.

Jadon Sancho kom inn á sem varamaður í sínum fyrsta leik fyrir Chelsea í hálfleik en hann átti eftir að koma við sögu. Christopher Nkunku kom einnig inn á sem varamaður síðar í leiknum.

Sancho átti sendingu á Nkunku seint í leiknum og Nkunku skoraði af miklu harðfylgi og tryggði liðinu stigin þrjú.