Guardian telur Ísland vera tólfta sterkasta liðið fyrir EM

Íslenska kvennalandsliðið er í tólfta sæti af sextán á sérstökum styrkleikalista sem Guardian setti saman.

Um er að ræða þau sextán lið sem munu keppa í lokakeppni Evrópumóts kvennalandsliða á Englandi á næsta ári.

Þýskaland er í toppsætinu og því talið líklegasta liðið fyrir mótið en með því að smella hérna má lesa þessa umfjöllun Guardian.'

Dregið verður í riðla lokakeppninnar þann 28. október í Manchester, Englandi.