15.09.24 - 12:43
Jóhann Þór Hólmgrímsson
Ítalía: De Rossi sá rautt og Genoa jafnaði í uppbótatíma
Mynd: EPA
Mynd: EPA
<b>Genoa 1 - 1 Roma</b>
0-1 Artem Dovbyk ('37 )
1-1 Koni De Winter ('90 )
Genoa náði í jafntefli gegn Roma með dramatísku jöfnunarmarki.
Artem Dovbyk skoraði sitt fyrsta mark fyrir Roma þegar hann fylgdi eftir skoti sem Pierluigi Gollini, markvörður Genoa, varði út í teiginn.
Roma var með forystuna í hálfleik en það dró til tíðinda í uppbótartíma.
Daniele De Rossi, stjóri Roma, fékk sitt annað gula spjald og í kjölfarið skoraði Koni De Winter með skalla og tryggði Genoa eitt stig.
