Solskjær við Tómas Þór: Sást að við höfum verið í fríi

Fyrsta spurning Tómasar var á þessa leiðina: Erfiður fyrri hálfleikur en liðið nær að kreista inn mark rétt fyrir hálfleik. Hvað heillaði þig í frammistöðu þinna manna?

„Við sýndum karakter. Við spiluðum ekki vel í fyrri hálfleik. Við erum að koma eftir tveggja vikna hlé og við þurftum tíma til að finna taktinn. Við skoruðum fyrsta markið og þessa stundina erum við að spila vel varnarlega," sagði Solskjær.

Tómas spurði næst út í Marcus Rashford sem glímir við meiðsli. Hvað er það sem Solskjær saknar mest þegar Rashford er fjarverandi?

„Rashford er einn sneggsti og sterkasti framherji í deildinni. Það er mikill kostur þegar kemur að skyndisóknum. Hann og Anthony Martial vinna vel saman og við söknum þess. Við erum að finna aðrar leiðir og Brandon (Williams) í vinstri-vængbakverðinum gefur okkur mikla orku og vilja. Við munum höndla þennan tíma án Rashford eins vel og við getum," sagði Solskjær.

Viðtalið má sjá hér að neðan.

Ole Gunnar Solskjær var eðlilega kátur með góðan sigur á Brúnni í kvöld í viðtali við @tomthordarson eftir leik. pic.twitter.com/GWFF0Xh2hT

— Síminn (@siminn) February 17, 2020